جلوہ گر بزم حسیناں میں ہیں وہ اس شان سے
چاند جیسے اے قمرؔ تاروں بھری محفل میں ہے

قمر جلالوی

---

---

تیرے قربان قمرؔ منہ سر گلزار نہ کھول
صدقے اس چاند سی صورت پہ نہ ہو جائے بہار

قمر جلالوی

---

---

زندگی کہتے ہیں کس کو موت کس کا نام ہے
مہربانی آپ کی نا مہربانی آپ کی

what is labeled living, how is death defined
Finding your favour, when you are unkind

رشید لکھنوی

---

---

چاندنی راتوں میں چلاتا پھرا
چاند سی جس نے وہ صورت دیکھ لی

رند لکھنوی

---

---

تم حسن کی خود اک دنیا ہو شاید یہ تمہیں معلوم نہیں
محفل میں تمہارے آنے سے ہر چیز پہ نور آ جاتا ہے

ساحر لدھیانوی

---

---

ادا و ناز و کرشمہ جفا و جور و ستم
ادھر یہ سب ہیں ادھر ایک میری جاں تنہا

شیخ ظہور الدین حاتم

---

---

میرا معشوق ہے مزوں میں بھرا
کبھو میٹھا کبھو سلونا ہے

شیخ ظہور الدین حاتم

---

---