sher mere bhi hain pur-dard wa-lekin 'hasrat'
'mir' ka shewa-e-guftar kahan se laun

Hasrat Mohani

---

---

shubh 'nasiKH' nahin kuchh 'mir' ki ustadi mein
aap be-bahra hai jo mo'taqid-e-'mir' nahin

Imam Bakhsh Nasikh

---

---

shagird hain hum 'mir' se ustad ke 'rasiKH'
ustadon ka ustad hai ustad hamara

Rasikh Azimabadi

---

---

'sauda' tu is ghazal ko ghazal-dar-ghazal hi kah
hona hai tujh ko 'mir' se ustad ki taraf

Sauda Mohammad Rafi

---

---

na hua par na hua 'mir' ka andaz nasib
'zauq' yaron ne bahut zor ghazal mein mara

Sheikh Ibrahim Zauq

---

---