ojh uThana shauq kahan hai majburi ka sauda hai
rahte rahte station par log quli ho jate hain

Munawwar Rana

---

---

farishte aa kar un ke jism par KHushbu lagate hain
wo bachche rail ke Dibbon mein jo jhaDu lagate hain

Munawwar Rana

---

---

so jate hain footpath pe aKHbar bichha kar
mazdur kabhi nind ki goli nahin khate

Munawwar Rana

---

---

ab un ki KHwab-gahon mein koi aawaz mat karna
bahut thak-haar kar footpath par mazdur soe hain

Nafas Ambalvi

---

---

pasina meri mehnat ka mere mathe pe raushan tha
chamak lal-o-jawahar ki meri Thokar pe rakkhi thi

Nazir Siddiqi

---

---

daulat ka falak toD ke aalam ki jabin par
mazdur ki qismat ke sitare nikal aae

Nushur Wahidi

---

---

tamir-o-taraqqi wale hain kahiye bhi to un ko kya kahiye
jo shish-mahal mein baiThe hue mazdur ki baaten karte hain

Obaidur Rahman

---

---