sab sitare dilasa dete hain
chand raaton ko chiKHta hai bahut

Alok Mishra

---

---

aas kya ab to umid-e-na-ummidi bhi nahin
kaun de mujh ko tasalli kaun bahlae mujhe

Amirullah Tasleem

---

---

hum ko na mil saka to faqat ek sukun-e-dil
ai zindagi wagarna zamane mein kya na tha

Azad Ansari

---

---

meri wafa hai us ki udasi ka ek bab
muddat hui hai jis se mujhe ab mile hue

Aziz Hamid Madni

---

---

koi kyun kisi ka lubhae dil koi kya kisi se lagae dil
wo jo bechte the dawa-e-dil wo dukan apni baDha gae

Bahadur Shah Zafar

---

---

lagta nahin hai dil mera ujDe dayar mein
kis ki bani hai aalam-e-na-paedar mein

my heart, these dismal ruins, cannot now placate
who can find sustenance in this unstable state

Bahadur Shah Zafar

---

---

hum to kuchh der hans bhi lete hain
dil hamesha udas rahta hai

Bashir Badr

---

---