mujhe ye Dar hai teri aarzu na miT jae
bahut dinon se tabiat meri udas nahin

Nasir Kazmi

---

---

abhi na chheD mohabbat ke git ai mutrib
abhi hayat ka mahaul KHush-gawar nahin

Sahir Ludhianvi

---

---

chand kaliyan nashat ki chun kar muddaton mahw-e-yas rahta hun
tera milna KHushi ki baat sahi tujh se mil kar udas rahta hun

Sahir Ludhianvi

---

---

hum gham-zada hain laen kahan se KHushi ke git
denge wahi jo paenge is zindagi se hum

Sahir Ludhianvi

---

---

hum to samjhe the ki hum bhul gae hain un ko
kya hua aaj ye kis baat pe rona aaya

Sahir Ludhianvi

---

---

kabhi KHud pe kabhi haalat pe rona aaya
baat nikli to har ek baat pe rona aaya

Sahir Ludhianvi

---

---

koi to aisa ghar hota jahan se pyar mil jata
wahi begane chehre hain jahan jaen jidhar jaen

Sahir Ludhianvi

---

---