kabhi kabhi to chhalak paDti hain yunhi aankhen
udas hone ka koi sabab nahin hota

Bashir Badr

---

---

KHuda ki itni baDi kaenat mein main ne
bas ek shaKHs ko manga mujhe wahi na mila

Bashir Badr

---

---

na-umidi hai buri chiz magar
ek taskin si ho jati hai

Bismil Saeedi

---

---

na-umidi baDh gai hai is qadar
aarzu ki aarzu hone lagi

Dagh Dehlvi

---

---

na jaane kis liye ummid-war baiTha hun
ek aisi rah pe jo teri rahguzar bhi nahin

Faiz Ahmad Faiz

---

---

na-umidi maut se kahti hai apna kaam kar
aas kahti hai Thahar KHat ka jawab aane ko hai

Fani Badayuni

---

---

sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain

Firaq Gorakhpuri

---

---