kya roz-e-bad mein sath rahe koi ham-nashin
patte bhi bhagte hain KHizan mein shajar se du
Imam Bakhsh Nasikh
KHizan ka zahr sare shahr ki rag rag mein utra hai
gali-kuchon mein ab to zard chehre dekhne honge
Imdad Hamdani
ajab bahaar dikhai lahu ke chhinTon ne
KHizan ka rang bhi rang-e-bahaar jaisa tha
Junaid Hazin Lari
aaenge waqt-e-KHizan chhoD de aai hai bahaar
le le sayyaad qasam rakh de gulistan sar pa
Khwaja Mohammad Vazeer Lakhnavi
ai KHizan bhag ja chaman se shitab
warna fauj-e-bahaar aawe hai
Shaikh Zahuruddin Hatim
meri zindagi pe na muskura mujhe zindagi ka alam nahin
jise tere gham se ho wasta wo KHizan bahaar se kam nahin
Shakeel Badayuni
aamad aamad hai KHizan ki jaane wali hai bahaar
rote hain gulzar ke dar baghban khole hue
Taashshuq Lakhnavi