aji phenko raqib ka nama
na ibarat bhali na achchha KHat

Sakhi Lakhnvi

---

---

phaD kar KHat us ne qasid se kaha
koi paigham zabani aur hai

Sardar Genda Singh Mashriqi

---

---

tera KHat aane se dil ko mere aaram kya hoga
KHuda jaane ki is aaghaz ka anjam kya hoga

Sauda Mohammad Rafi

---

---

kafi hai mere dil ki tasalli ko yahi baat
aap aa na sake aap ka paigham to aaya

Shakeel Badayuni

---

---

pahli bar wo KHat likkha tha
jis ka jawab bhi aa sakta tha

Shariq Kaifi

---

---

qayamat hai ye kah kar us ne lauTaya hai qasid ko
ki un ka to har ek KHat aaKHiri paigham hota hai

Sheri Bhopali

---

---

qayamat hai ye kah ke us ne lauTaya hai qasid ko
ki un ka to har ek KHat aaKHiri paigham hota hai

Sheri Bhopali

---

---