tumhaari aarzu mein main ne apni aarzu ki thi
KHud apni justuju ka aap hasil ho gaya hun main

Shahzad Ahmad

---

---

talatum aarzu mein hai na tufan justuju mein hai
jawani ka guzar jaana hai dariya ka utar jaana

Tilok Chand Mahroom

---

---

jise tum DhunDti rahti ho mujh mein
wo laDka jaane kab ka mar chuka hai

Tripurari

---

---

ye KHud-e-farebi-e-ehsas-e-arzu to nahin
teri talash kahin apni justuju to nahin

Ummeed Fazli

---

---

nishan-e-manzil-e-jaanan mile mile na mile
maze ki chiz hai ye zauq-e-jushtuju mera

Wahshat Raza Ali Kalkatvi

---

---