pursish-e-haal bhi itni ki main kuchh kah na sakun
is takalluf se karam ho to sitam hota hai

Kamal Ahmad Siddiqi

---

---

ye kahna tha un se mohabbat hai mujh ko
ye kahne mein mujh ko zamane lage hain

Khumar Barabankavi

---

---

haal-e-dil sunte nahin ye kah ke KHush kar dete hain
phir kabhi fursat mein sun lenge kahani aap ki

Lala Madhav Ram Jauhar

---

---

haal-e-dil yar ko mahfil mein sunaen kyun-kar
muddai kan idhar aur udhar rakhte hain

Lala Madhav Ram Jauhar

---

---

saf bata de jo tu ne dekha hai din raat
duniya ke Dar se na rakh dil mein dil ki baat

Makhmoor Saeedi

---

---

aur is se pahle ki sabit ho jurm-e-KHamoshi
hum apni rae ka izhaar karna chahte hain

Saleem Kausar

---

---