ishq ki choT ka kuchh dil pe asar ho to sahi
dard kam ho ya ziyaada ho magar ho to sahi

Jalal Lakhnavi

---

---

har aan ek taza shikayat hai aap se
allah mujh ko kitni mohabbat hai aap se

Jalaluddin Akbar

---

---

ishq se hai farogh-e-rang-e-jahan
ibtida hum hain intiha hain hum

Jalaluddin Akbar

---

---

ishq KHud sikhata hai sari hikmaten 'ali'
naqd-e-dil kise dena bar-e-sar kahan rakhna

Jaleel u0027Aaliu0027

---

---

ek safar mein koi do bar nahin luT sakta
ab dobara teri chahat nahin ki ja sakti

Jamal Ehsani

---

---

yaad rakhna hi mohabbat mein nahin hai sab kuchh
bhul jaana bhi baDi baat hua karti hai

Jamal Ehsani

---

---

har ek baat mein Dale hai hindu muslim ki baat
ye na jaane alhaD gori prem hai KHud ek zat

Jameeluddin Aali

---

---