حسن کو شرمسار کرنا ہی
عشق کا انتقام ہوتا ہے

اسرار الحق مجاز

---

---

عجب جنون ہے یہ انتقام کا جذبہ
شکست کھا کے وہ پانی میں زہر ڈال آیا

اظہر عنایتی

---

---

میں زخم کھا کے گرا تھا کہ تھام اس نے لیا
معاف کر کے مجھے انتقام اس نے لیا

فیصل عجمی

---

---

یہ انتقام ہے یا احتجاج ہے کیا ہے
یہ لوگ دھوپ میں کیوں ہیں شجر کے ہوتے ہوئے

حسیب سوز

---

---

تجھ سے وفا نہ کی تو کسی سے وفا نہ کی
کس طرح انتقام لیا اپنے آپ سے

حمایت علی شاعرؔ

---

---

خود اپنے آپ سے لینا تھا انتقام مجھے
میں اپنے ہاتھ کے پتھر سے سنگسار ہوا

ابراہیم اشکؔ

---

---

کوئی تم سا بھی کاش تم کو ملے
مدعا ہم کو انتقام سے ہے

میر تقی میر

---

---