عشق کو نغمۂ امید سنا دے آ کر
دل کی سوئی ہوئی قسمت کو جگا دے آ کر

اختر شیرانی

---

---

مانی ہیں میں نے سیکڑوں باتیں تمام عمر
آج آپ ایک بات میری مان جائیے

All my life I have agreed to everything you say
merely one request of mine please accept today

امیر مینائی

---

---

میرے گھر کے تمام دروازے
تم سے کرتے ہیں پیار آ جاؤ

انور شعور

---

---

عشق میں شکوہ کفر ہے اور ہر التجا حرام
توڑ دے کاسۂ مراد عشق گداگری نہیں

اثر رامپوری

---

---

نہ درویشوں کا خرقہ چاہیئے نہ تاج شاہانا
مجھے تو ہوش دے اتنا رہوں میں تجھ پہ دیوانا

بہادر شاہ ظفر

---

---

قبول اس بارگہہ میں التجا کوئی نہیں ہوتی
الٰہی یا مجھی کو التجا کرنا نہیں آتا

چراغ حسن حسرت

---

---

آؤ مل جاؤ کہ یہ وقت نہ پاؤ گے کبھی
میں بھی ہمراہ زمانہ کے بدل جاؤں گا

داغؔ دہلوی

---

---