laga jab yun ki uktane laga hai dil ujalon se
use mahfil se us ki alwidaa kah kar nikal aae

Parvindar shokh

---

---

kaleja rah gaya us waqt phaT kar
kaha jab alwida us ne palaT ka

Pawan Kumar

---

---

ye ghar mera gulshan hai gulshan ka KHuda-hafiz
allah nigahban nasheman ka KHuda-hafiz

Qateel Shifai

---

---

ajib hote hain aadab-e-ruKHsat-e-mahfil
ki wo bhi uTh ke gaya jis ka ghar na tha koi

Sahar Ansari

---

---

ek din kahna hi tha ek dusre ko alwidaa
aaKHirash 'salim' juda ek bar to hona hi tha

Salim Shuja Ansari

---

---

ab mujh ko ruKHsat hona hai ab mera haar-singhaar karo
kyun der lagati ho sakhiyo jaldi se mujhe tayyar karo

Shabnam Shakeel

---

---

chhoDne main nahin jata use darwaze tak
lauT aata hun ki ab kaun use jata dekhe

Shahzad Ahmad

---

---