tum suno ya na suno hath baDhao na baDhao
Dubte Dubte ek bar pukarenge tumhein

Irfan Siddiqi

---

---

ab tum kabhi na aaoge yani kabhi kabhi
ruKHsat karo mujhe koi wada kiye baghai

Jaun Eliya

---

---

us gali ne ye sun ke sabr kiya
jaane wale yahan ke the hi nahin

Jaun Eliya

---

---

jaane wale ja KHuda hafiz magar ye soch le
kuchh se kuchh ho jaegi diwangi tere baghai

Manzar Lakhnavi

---

---

ab to jate hain but-kade se 'mir'
phir milenge agar KHuda laya

Mir Taqi Mir

---

---

us se mile zamana hua lekin aaj bhi
dil se dua nikalti hai KHush ho jahan bhi ho

Mohammad Alvi

---

---

us se milne ki KHushi baad mein dukh deti hai
jashn ke baad ka sannaTa bahut khalta hai

Moin Shadab

---

---