tere mathe pe ye aanchal to bahut hi KHub hai lekin
tu is aanchal se ek parcham bana leti to achchha tha

Asrar-ul-Haq Majaz

---

---

darwaza khula hai ki koi lauT na jae
aur us ke liye jo kabhi aaya na gaya ho

Athar Nafees

---

---

apne markaz ki taraf mail-e-parwaz tha husn
bhulta hi nahin aalam teri angDai ka

Aziz Lakhnavi

---

---

KHuda ke waste zahid uTha parda na kabe ka
kahin aisa na ho yan bhi wahi kafir-sanam nikle

Bahadur Shah Zafar

---

---

kitna hai bad-nasib 'zafar' dafn ke liye
do gaz zamin bhi na mili ku-e-yar mein

Bahadur Shah Zafar

---

---

koi kyun kisi ka lubhae dil koi kya kisi se lagae dil
wo jo bechte the dawa-e-dil wo dukan apni baDha gae

Bahadur Shah Zafar

---

---

lagta nahin hai dil mera ujDe dayar mein
kis ki bani hai aalam-e-na-paedar mein

my heart, these dismal ruins, cannot now placate
who can find sustenance in this unstable state

Bahadur Shah Zafar

---

---