na gor-e-sikandar na hai qabr-e-dara
miTe namiyon ke nishan kaise kaise

Haidar Ali Aatish

---

---

na puchh haal mera chob-e-KHushk-e-sahra hun
laga ke aag mujhe karwan rawana hua

Haidar Ali Aatish

---

---

sun to sahi jahan mein hai tera fasana kya
kahti hai tujh ko KHalq-e-KHuda ghaebana kya

Haidar Ali Aatish

---

---

aagah apni maut se koi bashar nahin
saman sau baras ka hai pal ki KHabar nahin

the time of his death, man cannot foresee
uncertain of the morrow yet, plans for a century

Hairat Allahabadi

---

---

na to kuchh fikr mein hasil hai na tadbir mein hai
wahi hota hai jo insan ki taqdir mein hai

there is naught from worrying, nor from planning gained
for everything that happens is by fate ordained

Hairat Allahabadi

---

---

jab se tu ne mujhe diwana bana rakkha hai
sang har shaKHs ne hathon mein uTha rakkha hai

Hakeem Nasir

---

---

pattharo aaj mere sar pe baraste kyun ho
main ne tum ko bhi kabhi apna KHuda rakkha hai

Hakeem Nasir

---

---