jin ki KHatir shahr bhi chhoDa jin ke liye badnam hue
aaj wahi hum se begane begane se rahte hain

Habib Jalib

---

---

mera wajud haqiqat mera adam dhoka
fana ki shakl mein sar-chashma-e-baqa hun main

Hadi Machlishahri

---

---

wafaon ke badle jafa kar rahe hain
main kya kar raha hun wo kya kar rahe hain

Hafeez Jalandhari

---

---

ye bhi ek dhoka tha nairang-e-tilism-e-aql ka
apni hasti par bhi hasti ka hua dhoka mujhe

Hafeez Jalandhari

---

---

aadmi jaan ke khata hai mohabbat mein fareb
KHud-farebi hi mohabbat ka sila ho jaise

Iqbal Azeem

---

---

har-chand e'tibar mein dhoke bhi hain magar
ye to nahin kisi pe bharosa kiya na jae

Jaan Nisar Akhtar

---

---

ek safar mein koi do bar nahin luT sakta
ab dobara teri chahat nahin ki ja sakti

Jamal Ehsani

---

---