kis se puchhun ki kahan gum hun kai barson se
har jagah DhunDhta phirta hai mujhe ghar mera

Nida Fazli

---

---

sab kuchh to hai kya DhunDti rahti hain nigahen
kya baat hai main waqt pe ghar kyun nahin jata

Nida Fazli

---

---

ek ghar bana ke kitne jhamelon mein phans gae
kitna sukun be-sar-o-samaniyon mein tha

Riaz Majeed

---

---

kuchh be-Thikana karti rahin hijraten mudam
kuchh meri wahshaton ne mujhe dar-ba-dar kiya

Sabir Zafar

---

---

sham hote hi khuli saDkon ki yaad aati hai
sochta roz hun main ghar se nahin niklunga

Shahryar

---

---