kabhi to dair-o-haram se tu aaega wapas
main mai-kade mein tera intizar kar lunga

Abdul Hamid Adam

---

---

shauq kahta hai pahunch jaun main ab kabe mein jald
rah mein but-KHana paDta hai ilahi kya karun

Ameer Minai

---

---

nahin dair o haram se kaam hum ulfat ke bande hain
wahi kaba hai apna aarzu dil ki jahan nikle

Asghar Gondvi

---

---

dair-o-haram ko dekh liya KHak bhi nahin
bas ai talash-e-yar na dar-dar phira mujhe

Bekhud Badayuni

---

---

dair o kaba mein bhaTakte phir rahe hain raat din
DhunDhne se bhi to bandon ko KHuda milta nahin

Dattatriya Kaifi

---

---

ye sabit hai ki mutlaq ka tayyun ho nahin sakta
wo salik hi nahin jo chal ke ta-dair-o-haram Thahre

Habeeb Musvi

---

---

is taraf dair udhar kaba kidhar ko jaun
is do-rahe mein kahan yar raha karta hai

Lala Madhav Ram Jauhar

---

---