KHwabon ke ufuq par tera chehra ho hamesha
aur main usi chehre se nae KHwab sajaun

Athar Nafees

---

---

aaina chhoD ke dekha kiye surat meri
dil-e-muztar ne mere un ko sanwarne na diya

Aziz Lakhnavi

---

---

shabnam ke aansu phul par ye to wahi qissa hua
aankhen meri bhigi hui chehra tera utra hua

Bashir Badr

---

---

wo chehra kitabi raha samne
baDi KHubsurat paDhai hui

Bashir Badr

---

---

lamha lamha mujhe viran kiye deta hai
bas gaya mere tasawwur mein ye chehra kis ka

Dil Ayubi

---

---

ai sanam jis ne tujhe chand si surat di hai
usi allah ne mujh ko bhi mohabbat di hai

Haidar Ali Aatish

---

---

ajab teri hai ai mahbub surat
nazar se gir gae sab KHubsurat

Haidar Ali Aatish

---

---