uKHsar par hai rang-e-haya ka farogh aaj
bose ka nam main ne liya wo nikhar gae

Hakim Mohammad Ajmal Khan Shaida

---

---

ole wo bosa-ha-e-paiham par
are kam-baKHt kuchh hisab bhi hai

Hasan Barelvi

---

---

muft bosa hasin nahin dete
dil jo dete hain dam lete hain

Imdad Imam Asar

---

---

maza aab-e-baqa ka jaan-e-jaanan
tera bosa liya howe so jaane

Ishq Aurangabadi

---

---

na ho barham jo bosa be-ijazat le liya main ne
chalo jaane do betabi mein aisa ho hi jata hai

Jalal Lakhnavi

---

---

jaldi talab-e-bosa pe kije to kahe wah
aisa ise kya samjhe ho tum munh ka niwala

Jurat Qalandar Bakhsh

---

---

lab-e-KHayal se us lab ka jo liya bosa
to munh hi munh mein ajab tarah ka maza aaya

Jurat Qalandar Bakhsh

---

---