gai bahaar magar apni be-KHudi hai wahi
samajh raha hun ki ab tak bahaar baqi hai

Mubarak Azimabadi

---

---

na sair-e-bagh na milna na miThi baaten hain
ye din bahaar ke ai jaan muft jate hain

Naji Shakir

---

---

meri aankhon mein hain aansu tere daman mein bahaar
gul bana sakta hai tu shabnam bana sakta hun main

Nushur Wahidi

---

---

tere qurban 'qamar' munh sar-e-gulzar na khol
sadqe us chand si surat pe na ho jae bahaa

Qamar Jalalvi

---

---

ai dil-e-be-qarar chup ho ja
ja chuki hai bahaar chup ho ja

Saghar Siddiqui

---

---

KHushi ke phul khile the tumhaare sath kabhi
phir is ke baad na aaya bahaar ka mausam

Salam Sandelvi

---

---

kya isi ko bahaar kahte hain
lala-o-gul se KHun Tapakta hai

Salam Sandelvi

---

---