shayad tumhaari yaad mere pas aa gai
ya hai mere hi dil ki sada sochna paDa

Abrar Azmi

---

---

tamam raat wo pahlu ko garm karta raha
kisi ki yaad ka nashsha sharab jaisa tha

Abrar Azmi

---

---

gham se nisbat hai jinhen zabt-e-alam karte hain
ashk ko zinat-e-daman nahin hone dete

Abrar Kiratpuri

---

---

har ek insan ke aamal bhi yaksan nahin hote
koi ghar toD deta hai koi tamir karta hai

Abrar Kiratpuri

---

---

kahin bhi rah-numa ab nazar nahin aata
main kya bataun ki hun kaun si jihat mein gum

Abrar Kiratpuri

---

---

waswase dil mein na rakh KHauf-e-rasan le ke na chal
azm-e-manzil hai to ham-rah thakan le ke na chal

Abrar Kiratpuri

---

---

aaghosh sin sajan ke haman kun kiya kanar
marunga is raqib kun chhaDiyon se god god

Abroo Shah Mubarak

---

---