ishq hai be-gudaz kyun husn hai be-niyaz kyun
meri wafa kahan gai un ki jafa ko kya hua

Abdul Majeed Salik

---

---

jo unhen wafa ki sujhi to na zist ne wafa ki
abhi aa ke wo na baiThe ki hum uTh gae jahan se

Abdul Majeed Salik

---

---

mere dil mein hai ki puchhun kabhi murshid-e-mughan se
ki mila jamal-e-saqi ko ye tantana kahan se

Abdul Majeed Salik

---

---

nai shamen jalao aashiqi ki anjuman walo
ki suna hai shabistan-e-dil-e-parwana barson se

Abdul Majeed Salik

---

---

tujhe kuchh ishq o ulfat ke siwa bhi yaad hai ai dil
sunae ja raha hai ek hi afsana barson se

Abdul Majeed Salik

---

---

iltifat-e-dostan bhi zalzala se kam nahin
kuchh suluk-e-dushmanan bhi zalzala se kam nahin

Abdul Mannan Tarzi

---

---

su-e-sahra hi chalen shayad rahen mahfuz kuchh
ab to sehn-e-gulistan bhi zalzala se kam nahin

Abdul Mannan Tarzi

---

---