hazar karwan yun to hain mere sath magar
jo mere nam hai wo qafila kab aaega

Akram Naqqash

---

---

ishq ek aisi haweli hai ki jis se bahar
koi darwaza khule aur na daricha nikle

Akram Naqqash

---

---

jaise pani pe naqsh ho koi
raunaqen sab adam-sabaat rahin

Akram Naqqash

---

---

jiyunga main teri sanson mein jab tak
KHud apni sans mein zinda rahunga

Akram Naqqash

---

---

kuchh to inayaten hain mere karsaz ki
aur kuchh mere mizaj ne tanha kiya mujhe

Akram Naqqash

---

---

mayassar se ziyaada chahta hai
samundar jaise dariya chahta hai

Akram Naqqash

---

---

akhkhun kahan pe panw baDhaun kidhar qadam
raKHsh-e-KHayal aaj hai be-iKHtiyar phi

Akram Naqqash

---

---