panw uThte hain kisi mauj ki jaanib lekin
rok leta hai kinara ki Thahar pani hai

Akram Mahmud

---

---

sitara aankh mein dil mein gulab kya rakhna
ki Dhalti umr mein rang-e-shabab kya rakhna

Akram Mahmud

---

---

waqt kahan ruka bhala par ye kise guman tha
umr ki zad mein aaega tujh sa pari-jamal bhi

Akram Mahmud

---

---

andha safar hai zist kise chhoD de kahan
uljha hua sa KHwab hai tabir kya karen

Akram Naqqash

---

---

ar-ha tu ne KHwab dikhlae
bar-ha hum ne kar liya hai yaqin

Akram Naqqash

---

---

adan malbus mein shoala sa ek larzan qarin-e-jaan
dil-e-KHashak bhi shoala hua jalta raha main bhi

Akram Naqqash

---

---

hawa bhi chahiye aur raushni bhi
har ek hujra daricha chahta hai

Akram Naqqash

---

---