zaban pe shikwa-e-be-mehri-e-KHuda kyun hai?
dua to mangiye 'atish' kabhi dua ki tarah

Aatish Bahawalpuri

---

---

aadmi ko chahiye taufiq chalne ki faqat
kuchh nahin to guzre waqton ka dhuan le kar chale

Aazim Kohli

---

---

'azim' teri barbaadi mein sab ne mil-jul kar kaam kiya
kuchh khel lakiron ka bhi hai kuchh waqt ki kar-guzari bhi

Aazim Kohli

---

---

aat chal niklegi phir iqrar ki inkar ki
phir wahi bachpan ke bhule git gae jaenge

Aazim Kohli

---

---

dekha na tujhe ai rab hum ne han duniya teri dekhi hai
saDkon par bhuke bachche bhi koThe par abla nari bhi

Aazim Kohli

---

---

dekhna kaise pighalte jaoge
jab meri aaghosh mein tum aaoge

Aazim Kohli

---

---

dukh pe mere ro raha tha jo bahut
jate jate kah gaya achchha hua

Aazim Kohli

---

---