yar ka kucha hai masjud-e-KHalaiq dekh le
sang hai kabe mein murat dair mein hai mushtarak

Qasim Ali Khan Afridi

---

---

subut mangte hain wo meri wafa ka 'jalal'
har ek se tark-e-talluq kiya hai jin ke liye

Qasim Jalal

---

---

dar-e-imkan ki dastak mujhe bheji gai hai
meri qismat mein to maujud ki daulat nahin hai

Qasim Yaqub

---

---

kya ho sake hisab ki jab aagahi kahe
ab tak to raegani mein sara safar kiya

Qasim Yaqub

---

---

ye jhank leti hai andar se aarzu-KHana
hawa ka qad meri diwar se ziyaada hai

Qasim Yaqub

---

---

ye kya ki baiTha hai dariya kinar-e-dariya par
main aaj bahta hua ja raha hun pani mein

Qasim Yaqub

---

---

angDai par angDai leti hai raat judai ki
tum kya samjho tum kya jaano baat meri tanhai ki

Qateel Shifai

---

---