sari duniya se alag wahshat-e-dil hai apni
ye ki lagti hai na ghar ki na bayaban wali

Ahmad Sagheer Siddiqui

---

---

sunta hai yahan kaun samajhta hai yahan kaun
ye shaghl-e-suKHan waqt-guzari ke liye hai

Ahmad Sagheer Siddiqui

---

---

taKHliq KHud kiya tha kal apne mein ek ghar
ab ghar se KHalq chand makin kar rahe hain hum

Ahmad Sagheer Siddiqui

---

---

the yahan sare amal radd-e-amal ke muhtaj
zindagi bhi hamein darkar thi marne ke liye

Ahmad Sagheer Siddiqui

---

---

usi KHatir haTa li hai masail se tawajjoh
unhen thoDa sa main gambhir karna chahta hun

Ahmad Sagheer Siddiqui

---

---

ye kya ki aashiqi mein bhi fikr-e-ziyan rahe
daman ka chaak ta-ba-jigar jaana chahiye

Ahmad Sagheer Siddiqui

---

---

ye na dekho ki mere zaKHm bahut kari hain
ye batao ki mera dushman-e-jaan kaisa hai

Ahmad Sagheer Siddiqui

---

---