kahan main aur kahan gosha-nashini ka ye elan
ye sara silsila mashhur hone ke liye tha

Ahmad Sagheer Siddiqui

---

---

kholin wo dar kisi ne bhi khola na ho jise
koi jidhar na jae udhar jaana chahiye

Ahmad Sagheer Siddiqui

---

---

KHud apni zat se ek muqtadi nikalta hun
main apna shauq-e-imamat yunhi nikalta hun

Ahmad Sagheer Siddiqui

---

---

kisi surat ye nukta-chiniyan kuchh rang to lain
chalo yun hi sahi ab nam to mashhur hai mera

Ahmad Sagheer Siddiqui

---

---

koi taswir bana le ki tujhe yaad rahen
tez chalti hai hawa rang uDe jate hain

Ahmad Sagheer Siddiqui

---

---

kuchh der mein ye dil kisi ginti mein na hoga
betab bahut rae-shumari ke liye hai

Ahmad Sagheer Siddiqui

---

---

parda jo uTha diya gaya hai
kya tha ki chhupa diya gaya hai

Ahmad Sagheer Siddiqui

---

---