jo ahl-e-dil hain alag hain wo ahl-e-zahir se
na main hun shaiKH ki jaanib na barhaman ki taraf

Nazm tabaa-tabaa.ii

---

---

kaba o but-KHana aarif ki nazar se dekhiye
KHwab donon ek hi hain farq hai tabir mein

Nazm tabaa-tabaa.ii

---

---

kiya hai us ne har ek se visal ka wada
is ishtiyaq mein marna zaruri hota hai

Nazm tabaa-tabaa.ii

---

---

loTte rahte hain mujh par chahne walon ke dil
warna yun poshak teri malgaji hoti nahin

Nazm tabaa-tabaa.ii

---

---

meri baaton mein kya malum kab soe wo kab jage
sire se is liye kahni paDi phir dastan mujh ko

Nazm tabaa-tabaa.ii

---

---

nasha mein sujhti hai mujhe dur dur ki
naddi wo samne hai sharab-e-tuhur ki

Nazm tabaa-tabaa.ii

---

---

nazar kahin nahin ab aate hazrat-e-naseh
suna hai ghar mein kisi mah-laqa ke baiTh gae

Nazm tabaa-tabaa.ii

---

---