KHuda ai kash 'nazish' jite-ji wo waqt bhi lae
ki jab hindostan kahlaega hindostan-e-azadi

Nazish Partap Gadhi

---

---

na hoga raegan KHun-e-shahidan-e-watan hargiz
yahi surKHi banegi ek din unwan-e-azadi

Nazish Partap Gadhi

---

---

apni duniya to bana li thi riya-karon ne
mil gaya KHuld bhi allah ko phuslane se

Nazm tabaa-tabaa.ii

---

---

asiri mein bahaar aai hai fariyaad-o-fughan kar len
nafas ko KHun-fishan kar len qafas ko bostan kar len

Nazm tabaa-tabaa.ii

---

---

ichhaD ke tujh se mujhe hai umid milne ki
suna hai ruh ko aana hai phir badan ki taraf

Nazm tabaa-tabaa.ii

---

---

dard-e-dil se ishq ke be-pardagi hoti nahin
ek chamak uThti hai lekin raushni hoti nahin

Nazm tabaa-tabaa.ii

---

---

dil is tarah hawa-e-mohabbat mein jal gaya
bhaDki kahin na aag na uTTha dhuan kahin

Nazm tabaa-tabaa.ii

---

---