jiya hun umr bhar main bhi akela
use bhi kya mila naraazgi se

Navneet Sharma

---

---

kis ne socha tha ki KHud se mil kar
apni aawaz se Dar jaana hai

Navneet Sharma

---

---

mere andar mera kuchh bhi nahin bas tu hai baqi
tere andar bata pyare main ab kitna bacha hun

Navneet Sharma

---

---

mere qarib koi KHwab kaise aa pata
ki mujh mein rahte hain barson se ratjage raushan

Navneet Sharma

---

---

phone par baat hui us se to andaza hua
apni aawaz mein bas aaj hi shamil hua main

Navneet Sharma

---

---

ikhre hue KHwabon ki wo taswir hai shayad
ab ye bhi nahin yaad kahan us se mila tha

Nawab Ahsan

---

---

ehsas-e-tirgi tha use raushni ke baad
is KHauf se charagh ki lau kanpti rahi

Nawab Ahsan

---

---