ye haqiqat hai ki ahbab ko hum
yaad hi kab the jo ab yaad nahin

Nasir Kazmi

---

---

ye subh ki safediyan ye dopahar ki zardiyan
ab aaine mein dekhta hun main kahan chala gaya

Nasir Kazmi

---

---

yun kis tarah kaTega kaDi dhup ka safar
sar par KHayal-e-yar ki chadar hi le chalen

Nasir Kazmi

---

---

yun to har shaKHs akela hai bhari duniya mein
phir bhi har dal ke muqaddar mein nahin tanhai

Nasir Kazmi

---

---

zara si baat sahi tera yaad aa jaana
zara si baat bahut der tak rulati thi

Nasir Kazmi

---

---

zindagi jin ke tasawwur se jila pati thi
hae kya log the jo dam-e-ajal mein aae

Nasir Kazmi

---

---

aKHroT khaen tapen angeThi pe aag aa
raste tamam ganw ke kohre se aT gae

Nasir Shahzad

---

---