wo dil-nawaz hai lekin nazar-shanas nahin
mera ilaj mere chaara-gar ke pas nahin

Nasir Kazmi

---

---

wo koi dost tha achchhe dinon ka
jo pichhli raat se yaad aa raha hai

Nasir Kazmi

---

---

wo raat ka be-nawa musafir wo tera shair wo tera 'nasir'
teri gali tak to hum ne dekha tha phir na jaane kidhar gaya wo

Nasir Kazmi

---

---

wo shahr mein tha to us ke liye auron se bhi milna paDta tha
ab aise-waise logon ke main naz uThaun kis ke liye

Nasir Kazmi

---

---

yaad aai wo pahli barish
jab tujhe ek nazar dekha tha

Nasir Kazmi

---

---

yaad hai ab tak tujh se bichhaDne ki wo andheri sham mujhe
tu KHamosh khaDa tha lekin baaten karta tha kajal

Nasir Kazmi

---

---

ye aap hum to bojh hain zamin ka
zamin ka bojh uThane wale kya hue

Nasir Kazmi

---

---