muddat se koi aaya na gaya sunsan paDi hai ghar ki faza
in KHali kamron mein 'nasir' ab shama jalaun kis ke liye

Nasir Kazmi

---

---

mujhe to KHair watan chhoD kar aman na mili
watan bhi mujh se gharib-ul-watan ko tarsega

Nasir Kazmi

---

---

mujhe ye Dar hai teri aarzu na miT jae
bahut dinon se tabiat meri udas nahin

Nasir Kazmi

---

---

na ab wo yaadon ka chaDhta dariya na fursaton ki udas barkha
yunhi zara si kasak hai dil mein jo zaKHm gahra tha bhar gaya wo

Nasir Kazmi

---

---

na mila kar udas logon se
husn tera bikhar na jae kahin

Nasir Kazmi

---

---

nae kapDe badal kar jaun kahan aur baal banaun kis ke liye
wo shaKHs to shahr hi chhoD gaya main bahar jaun kis ke liye

Nasir Kazmi

---

---

nai duniya ke hangamon mein 'nasir'
dabi jati hain aawazen purani

Nasir Kazmi

---

---