zaKHm abhi tak taza hain har dagh sulagta rahta hai
sine mein ek jaliyan-wala-bagh sulagta rahta hai

Nafas Ambalvi

---

---

zindagi waqt ke safhon mein nihan hai sahab
ye ghazal sirf kitabon mein nahin milti hai

Nafas Ambalvi

---

---

sile hon lab zabanen band to baaten nahin hotin
muKHalif raste hon to mulaqaten nahin hotin

Nafeer Sarmadi

---

---

nishan to tere chalne se banenge
yahan tu DhunDta hai naqsh-e-pa kya

Naim Siddiqi

---

---

shab kitni bojhal bojhal hai hum tanha tanha baiThe hain
aise mein tumhaari yaad aai jis tarah koi ilham aae

Naim Siddiqi

---

---

aasmanon se zaminon pe jawab aaega
ek din raat Dhale yaum-e-hisab aaega

Najeeb Ahmad

---

---

hum to samjhe the ki chaaron dar muqaffal ho chuke
kya KHabar thi ek darwaza khula rah jaega

Najeeb Ahmad

---

---