inkar kar raha hun to qimat buland hai
bikne pe aa gaya to gira denge dam log

Nafas Ambalvi

---

---

is shahar mein KHwabon ki imarat nahin banti
behtar hai ki tamir ka naqsha hi badal lo

Nafas Ambalvi

---

---

jab bhi us diwar se milta hun ro paDta hun main
kuchh na kuchh to hai yaqinan us mein patthar se alag

Nafas Ambalvi

---

---

marne ko mar bhi jaun koi masala nahin
lekin ye tai to ho ki abhi ji raha hun main

Nafas Ambalvi

---

---

milte hain muskura ke agarche tamam log
mar mar ke ji rahe hain magar subh-o-sham log

Nafas Ambalvi

---

---

mere KHayal ki parwaz bas tumhin tak thi
phir is ke baad mujhe koi aasman na mila

Nafas Ambalvi

---

---

nigahon ke manazir be-sabab dhundhle nahin paDte
hamari aankh mein dariya koi Thahra hua hoga

Nafas Ambalvi

---

---