dil mubtala-e-hijr rifaqat mein rah gaya
lagta hai koi farq mohabbat mein rah gaya

Nadeem Bhabha

---

---

dil se ek yaad bhula di gai hai
kisi ghaflat ki saza di gai hai

Nadeem Bhabha

---

---

hum ghulami ko muqaddar ki tarah jaante hain
hum teri jit teri mat se nikle hue hain

Nadeem Bhabha

---

---

kuchh is liye bhi akela sa ho gaya hun 'nadim'
sabhi ko dost banaya hai dushmani nahin ki

Nadeem Bhabha

---

---

main lau mein lau hun, alaw mein hun alaw 'nadim'
so har charagh mera e'tiraf karta raha

Nadeem Bhabha

---

---

mohabbat ne akela kar diya hai
main apni zat mein ek qafila tha

Nadeem Bhabha

---

---

mohabbat, hijr, nafrat mil chuki hai
main taqriban mukammal ho chuka hun

Nadeem Bhabha

---

---