ye to samjha main KHuda ko ki KHuda hai lekin
ye na samjha ki samajh mein meri kyunkar aaya

Muztar Khairabadi

---

---

yun kahin Dub ke mar jaun to achchha hai magar
aap ki chah ka pani nahin bharna mujh ko

Muztar Khairabadi

---

---

zahid to baKHshe jaen gunahgar munh taken
ai rahmat-e-KHuda tujhe aisa na chahiye

Muztar Khairabadi

---

---

zaban qasid ki 'muztar' kaT li jab un ko KHat bheja
ki aaKHir aadmi hai tazkira shayad kahin kar de

Muztar Khairabadi

---

---

zulf ka haal tak kabhi na suna
kyun pareshan mera dimagh hua

Muztar Khairabadi

---

---

zulf ko kyun jakaD ke bandha hai
us ne bosa liya tha gal ka kya

Muztar Khairabadi

---

---

dil ka shajar to aur bhi palne ki aaD mein
murjha gaya hai phulne-phalne ke nam pa

Nadeem ahmad

---

---