KHat phaD ke phenka hai to likkha bhi miTa do
kaghaz pe utarta hai bahut taw tumhaara

Muztar Khairabadi

---

---

KHidmat-e-gasht bagulon ko to di sahra mein
main bhi barbaad hun mujh ko bhi koi kaam bata

Muztar Khairabadi

---

---

KHizar bhi aap par aashiq hue hain
qaza aai hayat-e-jawidan ki

Muztar Khairabadi

---

---

KHuda bhi jab na ho malum tab jaano miTi hasti
fana ka kya maza jab tak KHuda malum hota hai

Muztar Khairabadi

---

---

KHub is dil pe teri aankh ne Dore Dale
KHub kajal ne teri aankh mein Dora khincha

Muztar Khairabadi

---

---

KHwahish-e-did pe inkar se aate hain maze
aise mauqe pe to parda bhi maza deta hai

Muztar Khairabadi

---

---

kisi ka jalwa-e-rangin ye kahta hai inhen pujo
ye us patthar ke but hain jis pe pisti thi hina meri

Muztar Khairabadi

---

---