kis jafa-kar se hum ahd-e-wafa kar baiThe
aaKHir is baat ne ek roz pasheman kiya

Mohammad Amaan Nisar

---

---

kya fusun tu ne KHuda jaane ye hum par mara
tujh se phirta nahin dil hum ne bahut sar mara

Mohammad Amaan Nisar

---

---

mat munh se 'nisar' apne ko ai jaan bura kah
hai sahab-e-ghairat kahin kuchh kha ke na mar jae

Mohammad Amaan Nisar

---

---

mujh mein aur un mein sabab kya jo laDai hogi
ye hawai kisi dushman ne uDai hogi

Mohammad Amaan Nisar

---

---

tha jinhen husn-parasti se hamesha inkar
wo bhi ab talib-e-didar hain kin ke un ke

Mohammad Amaan Nisar

---

---

dawar-e-hashr mera nama-e-amal na dekh
is mein kuchh parda-nashinon ke bhi nam aate hain

Mohammad Deen Taseer

---

---

hamein bhi dekh ki hum aarzu ke sahra mein
khile hue hain kisi zaKHm-e-arzu ki tarah

Mohammad Deen Taseer

---

---