us se bhi mil kar hamein marne ki hasrat rahi
us ne bhi jaane diya wo bhi sitamgar na tha

Mohammad Alvi

---

---

us se bichhaDte waqt main roya tha KHub-sa
ye baat yaad aai to pahron hansa kiya

Mohammad Alvi

---

---

us se mile zamana hua lekin aaj bhi
dil se dua nikalti hai KHush ho jahan bhi ho

Mohammad Alvi

---

---

use main ne bhi kal dekha tha 'alwi'
nae kapDe pahan ke ja raha tha

Mohammad Alvi

---

---

utar phenkun badan se phaTi purani qamis
badan qamis se baDh kar kaTa-phaTa dekhun

Mohammad Alvi

---

---

wo jangalon mein daraKHton pe kudte phirna
bura bahut tha magar aaj se to behtar tha

Mohammad Alvi

---

---

yar aaj main ne bhi ek kamal karna hai
jism se nikalna hai ji bahaal karna hai

Mohammad Alvi

---

---