ghair-mumkin tha fasilen faslon ki phandna
qismaton ke faisle the tere mere darmiyan

Mohammad Fakhrul Haq Noori

---

---

'firoz' main ne KHud hi salasil pahan liye
mumkin nahin hai ab to rihai mere liye

Mohammad Firoz Shah

---

---

andheri sham thi baadal baras na pae the
wo mere pas na tha aur main khul ke roya tha

Mohammad Izhar ul Haq

---

---

ghira hua hun janam-din se is taaqub mein
zamin aage hai aur aasman mere pichhe

Mohammad Izhar ul Haq

---

---

koi zari suni nahin jati koi jurm muaf nahin hota
is dharti par is chhat ke tale koi tere KHilaf nahin hota

Mohammad Izhar ul Haq

---

---

tera panw sham pe aa gaya tha ki chand tha
tera hijr subh ko jal uTha tha ki phul tha

Mohammad Izhar ul Haq

---

---

awwal-e-ishq ki saat ja kar phir nahin aai
phir koi mausam pahle mausam sa nahin dekha

Mohammad Khalid

---

---