zindagi phaili hui thi sham-e-hijran ki tarah
kis ko itna hausla tha kaun ji kar dekhta

Ahmad Faraz

---

---

zindagi se yahi gila hai mujhe
tu bahut der se mila hai mujhe

Ahmad Faraz

---

---

zindagi teri ata thi so tere nam ki hai
hum ne jaise bhi basar ki tera ehsan jaanan

Ahmad Faraz

---

---

apna saya to main dariya mein baha aaya tha
kaun phir bhag raha hai mere pichhe pichhe

Ahmad Fareed

---

---

samne phir mere apne hain so main jaanta hun
jit bhi jaun to ye jang main haara hua hun

Ahmad Fareed

---

---

sab pe khulne ki hamein hi aarzu shayad na thi
ek do honge ki hum jin par faqirana khule

Ahmad Fareed

---

---

zaKHm ginta hun shab-e-hijr mein aur sochta hun
main to apna bhi na tha kaise tumhaara hua hun

Ahmad Fareed

---

---