kuchh is tarah se guzari hai zindagi jaise
tamam umr kisi dusre ke ghar mein raha

Ahmad Faraz

---

---

kuchh mushkilen aisi hain ki aasan nahin hotin
kuchh aise muamme hain kabhi hal nahin hote

Ahmad Faraz

---

---

kya kahen kitne marasim the hamare us se
wo jo ek shaKHs hai munh pher ke jaane wala

Ahmad Faraz

---

---

le uDa phir koi KHayal hamein
saqiya saqiya sambhaal hamein

Ahmad Faraz

---

---

lo phir tere labon pe usi bewafa ka zikr
ahmad 'faraaz' tujh se kaha na bahut hua

Ahmad Faraz

---

---

main bhi palkon pe saja lunga lahu ki bunden
tum bhi pa-basta-e-zanjir-e-hina ho jaana

Ahmad Faraz

---

---

main KHud ko bhul chuka tha magar jahan wale
udas chhoD gae aaina dikha ke mujhe

Ahmad Faraz

---

---