KHwab Thahre the to aankhen bhigne se bach gain
warna chehre par to gham ki barishon ka aks hai

Malika Naseem

---

---

jal gae phir se kuchh hasin rishte
tanziya guftugu ki bhaTTi mein

Malikzada Javed

---

---

kam-umri mein sunet hain
mar jate hain achchhe log

Malikzada Javed

---

---

miyan us shaKHs se hoshiyar rahna
sabhi se jhuk ke jo milta bahut hai

Malikzada Javed

---

---

zindagi ek kahani ke siwa kuchh bhi nahin
log kirdar nibhate hue mar jate hain

Malikzada Javed

---

---

ab dekh ke apni surat ko ek choT si dil par lagti hai
guzre hue lamhe kahte hain aaina bhi patthar hota hai

Malikzada Manzoor Ahmad

---

---

ajib dard ka rishta hai sari duniya mein
kahin ho jalta makan apna ghar lage hai mujhe

Malikzada Manzoor Ahmad

---

---