jab se aaya hai wo mukhDa nazar aaine ko
tab se apni bhi nahin hai KHabar aaine ko

Majnoon Gorakhpuri

---

---

ab kargah-e-dahr mein lagta hai bahut dil
ai dost kahin ye bhi tera gham to nahin hai

Majrooh Sultanpuri

---

---

ab sochte hain laenge tujh sa kahan se hum
uThne ko uTh to aae tere aastan se hum

Majrooh Sultanpuri

---

---

aise hans hans ke na dekha karo sab ki jaanib
log aisi hi adaon pe fida hote hain

Majrooh Sultanpuri

---

---

alag baiThe the phir bhi aankh saqi ki paDi hum par
agar hai tishnagi kaamil to paimane bhi aaenge

Majrooh Sultanpuri

---

---

ashkon mein rang-o-bu-e-chaman dur tak mile
jis dam asir ho ke chale gulsitan se hum

Majrooh Sultanpuri

---

---

aDhai mai jo mohabbat se aaj saqi ne
ye kanpe hath ki saghar bhi hum uTha na sake

Majrooh Sultanpuri

---

---