samne us yar ke bhi aur sar-e-darbar bhi
ek ye dil tha jise har bar KHun karna paDa

Majid Siddiqui

---

---

tohmat si liye phirte hain sadiyon se sar apne
ruswa hai bahut nam yahan ahl-e-hunar ka

Majid Siddiqui

---

---

ye safar apna kahin jaanib-e-mahshar hi na ho
hum liye kis ka janaza hain ye ghar se nikle

Majid Siddiqui

---

---

aandhe moD ko jo bhi kaTe aahista guzre
cyclen Takra jati hain akasr motor se

Majid-ul-Baqri

---

---

aat karna hai karo samne itrao nahin
jo nahin jaante us baat ko samjhao nahin

Majid-ul-Baqri

---

---

is baras se ek tare par man ki jot jagata hun
diwali ki raat ko tu bhi koi diya jalaya ka

Majid-ul-Baqri

---

---

honT ki surKHi jhank uThti hai shishe ke paimanon se
miTTi ke bartan mein pani pi kar pyas bujhaya ka

Majid-ul-Baqri

---

---